Page 127 - Kayseri Sancağı Tımarları

127

bildirüp mezbûrlar gelüp merkûm Mustafâ fevt olup üzerinde tîmâr yok iken Emirze ve ġâhkulu nâm
kimesneler tîmâr-ı mezbûru Mustafâ tahvîlinden alup nizâ‘ eylediklerinde hak bunlarun olmağla
bunlara mukarrer oldukdan sonra bunlarun içün yine Tebrîz seferinde hidmetde iken Seydî CavuĢ ve
Yûsuf nâm kimesneler tîmâr-ı mezbûru mezkûrân Emirze ve ġâhkulu Tebrîz seferine gelmemekle biz
aldık, deyü niza‘ edüp serdâr huzûrunda murâfa‘a olduklarında tîmâr-ı mezbûr bunların üzerinde olup
müteveffâ Mustafâ'nın üzerinde tîmâr olmayup ve Emirze ve ġâhkulu dahi kat‘â alâkası ve mezbûrân
Seydî ÇavuĢ ve Yûsuf'un da‘vâ ve nizâ‘a istihkâkları olmayup hakk-ı mezbûrân Ca‘fer ve Ya‘kûb'un
olduğun zâhir olmağın tîmâr-ı mezbûr mezkûrân Ca‘fer ve Ya‘kûb'a mukarrer olmak emr olunup
tîmâr-ı mezkûru mukarrer edüp berâtları ve mukarrer-nâmeleri mûcebince kemâkân zabt ve tasarruf
edüp min-ba‘d mezbûru tîmâr-ı mezkûra bir vechile dahl etdirmeyesin, eğer dahl edüp tahvîllerine
düĢmüĢ hukûk ve rüsûmundan kimesne nesnesin dahi almıĢ ise ba‘de's-sübût hükm edüp girü
alıveresin, deyü Karaman beğlebeğisine sene 994 Zilka‘desinin [A/130a] evâyili târîhiyle müverrah
serdâr-ı müĢârun-ileyh tarafından hükm-i Ģerîf verildikden sonra hâlâ tezkiresi Bâb-ı sa‘âdet'den ihrâc
olunmak fermân olmağın ber-mûceb-i emr-i âlî vech-i meĢrûh üzre merkûm Ca‘fer'e mukarrer kılınup
ve mukaddemâ Tebrîz seferinde yarar âdemleriyle sefer edüp küllî hidmet etmekle serdâr-ı müĢârun-
ileyh hazretleri bir yıl Tiflis'in muhâfazasında kalmak Ģartıyla Dergâh-ı âlî çavuĢlarına ilhâk edüp eline
emr-i Ģerîf vermiĢ ve muhâfaza hidmetin edâ edüp kal‘alar ta‘mîrinde küllî hidmet eyledüğin Tiflis
Beğlerbeğisi Ömer PaĢa ve Ağcakal‘ası beğlerbeğisi sâbıkan Tiflis beğlerbeğisi dahi mektûblar
gönderüp vech-i meĢrûh üzre Ģahâdet etmeğin pâye-i serîr-i a‘lâya arzolundukda hatt-ı hümâyûn ile
mahlûl-ı cedîd görüle, deyü selh-i Recebde tezkire verilüp hâlâ zümre-i mezbûrdan olan Yûnus ÇavuĢ
fevt olmuĢdur, deyü Karaman Beğlerbeğisi Mahmûd PaĢa arz etmeğin mezbûrun gedüği mezkûra
verilüp çavuĢ olmak buyrulduğuna sene 997 ġa‘banının yigirmi dördüncü günüyle müverrah mümzâ
sûret-i ruus verilmeğin müteveffâ-i mezbûrun yerine Dergâh-ı âlî çavuĢlarından olup noksânıyla iki
def‘a emrolunan terakkîleri bedelinden 7.200 akçe noksânıyla ber-vech-i tekmîl 33.499 akçelik üzre
merkûm Ca‘fer'e Der-i devlet'den tecdîd-i berât-ı âlîĢân içün tezkire verildi.
Fî 3 Ramazânü'l-mübârek sene 997.
Beyâz.

[A/133a]
[Yev]mü's-sülesâ, fî 17 ġevvâl sene 997.
Hükm-i şerîf verilmişdir.
Berâtın zâyi‘ etmeğin tecdîd-i berât eylemişdir, fî sene isneyn ve elf.
Nâhiye-i Kenâr-ı Irmak, der-livâ-i Kayseriyye
Tîmâr_____________________ı
Ferruh, an-tahvîl-i Yonca ki ferâğat kerd.
Karye-i Ilusu, tâbi‘-i Mezra‘a-i Donarslan, Mezra‘a-i Çay, tâbi‘-i
Kenâr-ı Irmak, iki baĢ: 1.000 tâbi‘-i m., iki baĢ: 500 mezbûr, iki baĢ: 1.500

Yekûn: 2.000
Ber-vech-i tekmîl: 3.000
Zikr olunan 2.000 akçe tîmâra mîr-i mîrân berâtıyla mutasarrıf olan Yonca berâtın verüp ferâğat
etmeğin bundan akdem Revân ılgarında Ner kal‘ası binâsında küllî hidmet edüp yoldaĢlıkda
bulunmuĢdur, deyü Zülkadriyye beğlerbeğisi mühürlü defterle i‘lâm etmeğin ibtidâdan [A/133b] 3.000
akçe tîmâra emr-i Ģerîf verilüp müyesser olmayan mezkûr Ferruh kendüye vedilmesin ricâ etmeğin
evvel hüküm alınup mezkûr fevt olup berâtı bunun eline düĢmekle bana ferâğat etdi, deyü hîle etmiĢ
değil ise sahîh berâtın verüp ferâğat ederse noksânı düĢenden tekmîl olunmak üzre tevcîh edesin, deyü
Karaman beğlerbeğine sene 997 ġevvâlinin evâyil-i târîhiyle müverrah hükm-i Ģerîf verildikden sonra
tezkiresi Bâb-ı sa‘âdet'den ihrâc olunmak fermân olunmağın ber-mûcebi emr-i âlî tîmâr-ı mezbûr
vech-i meĢrûh üzre fâriğ Yonca tahvîlinden bedelinden 1.000 akçe noksânıyla Ferruh'a tevcîh olunup
Der-i devletden berât-i âlîĢân içün tezkire verildi.
Tahrîren fî 14 ġevvâlü'l-mükerrem sene 997.