Page 133 - Kayseri Sancağı Tımarları

133

Karye-i Kızılcain ve karye-i Akkaya ve karye-i Yenücek ve karye-i Tekirlik hâric ez defter ve
karye-i Revân ve mezra‘a-i Akçubuk ve mezra‘a-i Aktekir ve mezra‘a-i Oymacık tâbi‘-i mezbûr:
14.900
Hisse: 2.800 Ber vech-i tekmîl 3.000.
Abdullâh oğlu mezkûr Haydar gelüp vilâyet-i Rûmelinde ibtidâdan 3.000 akçe tîmâra elinde
emr-i Ģerîf olup henüz müyesser olmaduğun bildirüp ve Kayseriyye sancağında Ġslâm[lu] nâhiyesinde
Kızılcain nâm karye ve gayriden 5.300 akçe tîmâra mutasarrıf olan Himmet Gence seferine me'mûr
iken varmayup tîmârı mahlûldür, deyü kendüye verilmek bâbında inâyet ricâ etmeğin göresin
mezkûrun elinde ol mikdâr tîmâra emri var ise ve mezkûr Gence seferine me'mûr iken varmamıĢ ise
996 Zilka‘desinin gurresinden bedelin mezkûr Haydar'a tevcîh edesin, deyü Karaman beğlerbeğisine
996 Zilka‘desinin evâyili ile müverrah Serdâr Ferhâd PaĢa hazretleri tarafından hükm-i Ģerîf
verildikden sonra tezkiresi Bâb-ı sa‘âdetden ihrâc olunmak fermân olunup ve mezbûr Revân binâsına
mağara koluna iki yüz yük taĢ getirmiĢdir, deyü bildirmeğin mezîd-i inâyetden 991 Zilhiccesinin
evâsıtı ile Rûmeli beğlerbeğisine hitâben verilen 3.000 akçelik ibtidâ emrin îrâd edüp ve defter-i
icmâl-i pâdiĢâhîye mürâca‘at olundukda mezkûr Himmet üzerinde 2.800 akçe tîmâr mukayyed
bulunmağın ber mûceb-i emr-i âlî zikr olan 2.800 akçe tîmâr sefer-i mezbûra varmayan merkûm
Himmet tahvîlinden vech-i meĢrûh üzre târîh-i mezbûrdan Haydar'ın ibtidâ verilen emri bedelinden
200 akçe noksânıyla ber vech-i tekmîl 3.000 akçelik üzre tevcîh olunup Der-i devletden berât-ı âlîĢân
içün tezkire verildi.
Fî 28 Rebî‘ü'l-evvel sene 998.

[C/351]
Yevmü's-sebt, fî 27 Rebî‘ü'l-âhir sene 998
Hükm-i şerîf verilmişdir
Nâhiye-i Kenâr-ı Irmak, der-livâ-i Kayseriyye
Tîmâr_____________________ı
Mustafâ.
Karye-i Aytimur, tâbi‘-i Kenâr-ı Irmak, iki baĢ: Mezra‘a-i Kavgaz, tâbi‘-i m., iki baĢ: 1.200
7.300
Mezra‘a-i Alacamescid ve Güneyağıl, tâbi‘-i Mezra‘a-i Hacıbağı, tâbi‘-i Sahrâ, dîvânî:
m.,1.100 1.800, Hisse: 1.200
Karye-i Ġkizlü-kebir, tâbi‘i Koramaz: 6.169
Yekûn: 10.800
Hisse: 6.700

Karye-i DeliklütaĢ, tâbi‘-i Malya: 1.821
Yekûn: 8.000
Hisse: 3.000
Yekûn: 9.700
Ber-vech-i tekmîl: 10.169
Kayseriyye sancağında Kenâr-ı Irmak nâhiyesinde dokuz bin yedi yüz akçe tîmârı ber-vech-i
tekmîl on bin yüz altmıĢ dokuz akçelik üzre mutasarrıf olan Mustafâ Bey Ġkizlü-kebir nâm karye ve
gayriden olan üç bin akçe hissesin mukaddemâ Revân muhâfazasına me’mûr iken Revân'da fevt olan
Mustafâ tahvîlinden mahlûl oldukda dokuz yüz doksan bir ġevvâlinin gurresinde noksânıyçün Vezîr
Sinân PaĢa tarafından tevcîh olunup tasarrufunda iken müteveffâ-yı mezbûrun oğulları dahi babaları
fevt olduğu haberin almağla Erzurûm'da serdâr-ı âlî-mikdâra gelüp babalar fevt olup tîmârı mahlûldür,
deyü tâlib oldukların sene-i mezbûre Zilhiccesinin on dokuzuncu günü kendülere tevcîh olunup ma‘a
hâzâ mezkûrlar Revân seferinde ve hidmet-i muhâfazada bile olmağın babaları Revân'da fevt
olmuĢken bir kaç aydan sonra babaları tîmârıdır, deyü almağla tasarrufuna mâni‘ oldukların bildirüp ol
bâbda emr-i hümâyûn taleb etmeğin mezkûrlar Revân'da bile olmağın babaları târîh-i mezbûrda
Revân'da fevt oldukda ol mikdâr hissesi buna tevcîh olunup mücerred babamız tîmârıdır, deyü almağla
tasarrufuna mâni‘ olursa men‘ ü def‘ edüp tîmâr-ı mezbûru buna mukarrer zabt ve tasarruf edüp min
ba‘d ol vechile mezkûrları dahl ve ta‘arruz etdirmeyesiz, deyü evâsıt-ğ Cemâziye'l-evvel sene 992