Page 154 - Kayseri Sancağı Tımarları

154

noksân ve terakkîleriçün kendüye verilmesin ricâ etmeğin müĢârun-ileyhin berâtı mûcebince noksânı
ol mikdar terakkîlere elinde emri var ise ve müĢârun-ileyh zikr olunan sefereler me'mûr iken varmamıĢ
ise ve kılıca ilhâk lâzım gelmez ise ze‘âmet-i mezbûreden noksân ve terakkîleri bedelin doksan altı
Zilka‘desinin gurresinden tevcîh edüp tezkiresin veresin, deyü 997 Rebî‘ü'l-evvelinin evâyiliyle
Anadolu beğlerbeğisine müverrah hükm-i Ģerîf verilüp ba‘dehu müĢârun-ileyh gelüp mutasarrıf olduğu
ze‘âmetinin berâtı mûcebince noksânı olup ve Mar‘aĢ sancağında ve nâhiyesinde Bel nâm karye ve
gayriden 10.500 akçe tîmârı olan Durak Gence seferine me'mûr iken varmayup tîmârı mahlûldur, deyü
tâlib olup inâyet ricâ etmeğin noksânı var ise ve mezbûr sefer-i mezbûra me'mûr iken varmamıĢ ise ve
kılıca ilhâk lâzım gelmez ise tîmârı mezbûru doksan altı Zilka‘desinin gurresinden tevcîh edüp
tezkiresin veresin, deyü Zülkadriyye beğlerbeğisine sene 997 Cemâziye'l-evvelinin evâyiliyle
müverrah hükm-i Ģerîf verildikden sonra tezkiresi Bâb-ı sa‘âdet'den ihrâc olunmak fermân olunup ber-
mûceb-i emr-i âlî Ruznâmçe-i hümâyûn'a mürâca‘at olundukda Süleymân ÇavuĢ'un ze‘âmeti
birikdir[ilüp]21.599 akçe ve Mar‘aĢ sancağında Durak üzerinde 9.420 akçe bulunup müstakil kılıc
olmağla kılıcları müyesser olmayup 16.599 akçe hisse Süleymân ÇavuĢ ve 6.420 akçe Durak
tahvîllerinden mîr-i mîrân tezkiresi mûcebince elinde olan 24.200 akçe ze‘âmetiyle birikdirilüp cümle
ze‘âmeti 47.299 akçelik olup istihkakı [C/389] 4.760 akçe noksânıyla ber-vech-i tekmîl 51.999 akçelik
üzre müĢârun-ileyh Hamza ÇavuĢ'a tevcîh olunup Der-i devlet'den berât-ı âlîĢân içün tezkire verildi.
Fî gurrei Zilka‘de sene 998.