Page 172 - Kayseri Sancağı Tımarları

172

babalarında durdukdan sonra mezbûr Abdî ÇavuĢ bunlar[dan] bir tarîkle berâtın alup sonra ferâğat
yazdırdığlarına gılmânları lâhık olup hîle etmiĢdir, deyü müĢârunileyhimâ arz etdükleri ecilden tîmâr-ı
mezbûru buna mukarrer olmak fermân olunup tîmâr-ı mezbûru müĢârunileyh Yûsuf'a ibkâ etdirüp
berâtı mûcebince tasarruf etdirüp mezkûr Abdî ÇavuĢ ol vecihle dahl ü ta‘arruz etdirmeyesin, deyü
Erzurûm beğlerbeğisine sene 98 Zilka‘desinin evâsıtıyla müverrah hükm-i Ģerîf verilüp ba‘dehu
müĢârunileyh gelüp Niğde ve gayri sancaklarda mutasarrıf olduğu ze‘âmetinin noksânı olup ve Mersin
sancağında ve nâhiyesinde ve Ak nâm karye ve gayriden 21.000 akçe ze‘âmeti olan Hüseyin fevt
[olup] ze‘âmeti mahlûldür, deyü noksânıyçün ricâ etmeğin müĢârunileyhin noksânı varsa ve mezbûr
fevt olup kılıca ilhâkı lâzım gelmezse noksânı içün tevcîh edesin, deyü Cezâyir beğlerbeğisine hükm-i
Ģerîf verildikden sonra tezkiresi Bâb-ı sa‘âdetden ihrâc olunmak fermân olunmağın ber mûceb-i emr-i
âlî zikr olunan 21.000 akçe ze‘âmetin 20.000 akçeliği vech-i meĢrûh üzre müteveffâ Hüseyin
tahvîlinden elinden giden kılıç ze‘âmetine bedel sâyir elviyede elinde olan 84.474 akçe ze‘âmetiyle
birikdirilüp cüml ze‘âmeti 84.474 akçelik olup müstahık olduğu bedelinden 47.103 akçe noksânıyla
ber vech-i tekmîl 131.577 akçelik üzre tevcîh olunup Der-i Devletden berât içün tezkire verildi.
fî 25 Zilka‘de sene 980.