Page 69 - Kayseri Sancağı Tımarları

69

sene 94 Zilhiccesinin evâsıt târîhiyle bin beĢ yüz akçe ve bir def‘a dahi Tiflis'e hazîne îsâlinde vâki‘
olan Simon muhârebesinde küllî hidmet ve yoldaĢlıkda bulunmuĢdur, deyü Karaman Beğlerbeğisi
Haydar dâme ikbâlehu mektûbile arz eyledikde sene-i mezbûre Zilhiccesinin evâsıt târîhiyle bin beĢ
yüz akçe terakkîye iki kıt‘a hükm verilüp müyesser olmaduğın ve yine livâ-i mezbûrda Göbü nâm
karyeden ze‘âmete mutasarrıf olan Dergâh-ı âlî çavuĢlarından Abdûlvehhâb ÇavuĢ ze‘âmetinin altı bin
beĢ yüz akçe hissesin kendüye olmak üzre ferâğat edüp ziyâdesiyle verilmek bâbında inâyet ricâ
etmeğin bin beĢ yüz akçe terakkîlere verilmek iki kıt‘a hükm-i Ģerîf alup bin beĢ yüz akçe terakkîye
hükm varise iki bin akçe ziyâdesiyle tevcîh edesin, deyü 95 Zilhiccesinin yigirmi sekizinci günü
târîhiyle Lûri ve Tomanis kal‘ası binâsında hidmetde bulunmuĢdur, deyü Kayseriyye Sancağıbeği
Ahmed defteriyle bildirmeğin bin beĢ yüz akçe terakkîye evâhir-i ġevvâl i‘lâm sene 992 târîhiyle
Kayseriyye alaybeğsi mühürlü defter gönderüp Tebrîz ve Hamne kal‘aları ta‘mîrinde küllî hidmetde
bulunmuĢdur, deyü bildirmeğin bin beĢ yüz akçe terakkîye evâsıt-ı Zilhicce sene 994 târîhiyle bir
def‘a dahi mûmâ-ileyh bendeleri Kayseriyye alaybeğisi olup mühürlü defter gönderüp Ahısha kal‘ası
binâsında küllî hidmetde ve yoldaĢlıkda bulunduğun bildirüp inâyet ricâ etmeğin üç bin akçe terakkî
evâyil-i Muharrem sene 996 târîhiyle sâbık Karaman beğlerbeğisi olan Mehmed dâme ikbâlehu
mektûb gönderüp Kayseriyye sancağında ze‘âmetiyle livâ-i mezbûr alaybeğisi olan Abdülvehhâb
alaybeğinin ihtiyârıya karındaĢı olup olup livâ-i mezbûrda on bin akçe tîmâra mutasarrıf ve ze‘âmete
müstahıkk olan Kayseriyye mîrialemi olan mûmâ-ileyh Osmân bendelerine verilmek ricâsına
arzeylediği ecilden livâ-i mezbûre alaybeğiliğin[de] [A/132a] istihdâm eyleyesin, deyü evâyil-i
Ramazânü'l-mübârek sene 995 târîhiyle emr-i Ģerîf verilmeğin ve yine-i livâ-i mezbûrda karye-i Göbü
ve gayriden 5.999 akçe hisse fâriğ Abdülvehhâb ÇavuĢ tahvîlinden mukaddemâ mezbûrun emr-i Ģerîf
ile ferâğat eyledüği 6.500 akçe hissesiyle birikdirilüp cümle 11.999 akçelik olup ber-mûceb-i emr-i âlî
fermân olunan terakkîleriyle vâki‘ olan noksânı bedeli 999 akçe ziyâdesiyle elinde olan tîmârına ilhâk
olunup cümle ze‘âmeti 20.998 akçelik üzre livâ-i mezbûre alaybeğiliği ile tevcîh olunup tezkire
verildi.
Fî 26 Zilka‘de sene 996.
Tezkire-i Mehmed PaĢa.

[A/132a]
[Yev]mü's-sülesâ, fî 25 Ramazânü'l-mübârek, sene 997.
Hükm-i şerîf verilmişdir.
Mezkûr ze‘âmet mezbûra müyesser olmayup Niğde sancağında âhar ze‘âmet alup berât etdi,
sene 98.
Nâhiye-i Koramaz, der-livâ-i Kayseriyye
Ze‘âmet_____________________i
be-nâm-ı Hüseyin, ah-tahvîl-i Hasan fâriğ
Karye-i Efkere, tâbi‘-i Koramaz: 15.300 Karye-i Cânbâz, tâbi‘-i m.2.000
Hisse: 1.000

Yekûn: 16.200
Ber-vech-i tekmîl: 30.000
ĠĢbu on altı bin üç yüz akçe tîmâr ihtiyârıyla ferâğat eden Hasan tahvîlinden mahlûl olmağın
mezkûr Hüseyin bendeleri bundan akdem Kars'ın cânib-i yemîn gönüllülerinden yevmî kırk beĢ akçe
ile ikinci yüzbaĢı iken sâbıkan Kars Beğlerbeğisi Hızır PaĢa yararlığın arzeyledikde sülüsân üzre
vilâyet-i Karaman'da otuz bin akçe ze‘âmete emr-i Ģerîf verilüp müyesser olduğun bildirüp ve Niğde
sancağında Valya [Valisa] nâm karye ve gayriden beĢ bin beĢ yüz akçe tîmâra mutasarrıf olan Pervâne
bu def‘a Tebrîz seferine me'mûr iken gelmeyüp tîmâr mahlûldur, deyü tâlib olup inâyet ricâ etmeğin
evvel hüküm alınup serdâr-ı zafer-Ģi‘ârım tarafından bir yıllık mahsûlü almıĢ değil ise doksan dört
ġevvâlinin altıncı gününden noksânı tekmîl olunmak üzre tevcîh edesin, deyü evâsıt-ı Zilka‘de sene
994 târîhiyle müverrah emr-i Ģerîf verilmeğin deftere nazar olundukda mezkûr Pervane bir yıllık
mahsûlü mîrî içün alınanlardan olup tîmâr-ı mezbûr müyesser olmamağla zikr olunan altı bin üç yüz