Page 222 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Samedi bulan kişi geçdi sanemden
Dilinde komadı deyri dindâr olmayınca

Me’âni milkine mâlik olmaz
Cihan malı ona mâr olmayınca

Heveslerden kamû olmıya âri
Koyup namusı bî-âr olmayınca

Nedirler aklı ışka irmezise
Ne dirler kûft-i kirdâr olmayınca

Hakîkat kâragısa geçme hadden
Yaraşmaz bağ divâr olmayınca

[102b] Kaçan terk ide dünyanun harabın
Kişi dininde mi’mâr olmayınca

Hakîkat bilmedi devrânın işini
Gönül mânendi perkâr olmayınca

Bulınmaz âlem-i ma’nide vüs’at
Cihânun giygiliği târ olmayınca

Ne kim şadisi vardur gussa bilüb
Kamû asanı düşvâr olmayınca

Bu lu’bet candan sermaye iyle
Çıkamaz, şahsı ayyâr olmayınca

Görünmez ana hergiz gayb genci
Görüb ayb üzere settâr olmayınca

İrişmez hiç yoklukdan safalar
Temâmet varlıkı isâr olmayınca

Kime hikmet sözi oldı mukarrer
Gönülde sıdk-ı ikrâr olmayınca

222