Page 225 - ibrahim_tennuri_gulseni_niyaz

İkinci Bölüm | Metinler

Meseli ko gerekse bî-misli
Sen seni anla söz misalinden

Işka canun mukabil olursa
Bedrün anlayasın kemalinden

[104a] Vahdet irişe sana çün tahkik
Geçesin ikilik hayalinden

Ayruluk zahmini beyn buldı
Yine merhem anun visâlinden

Ebedî ömre iren İbrahim
Dünyanun geçdi makü sâlinden

22. velehu eyzan
Sözüm işidüp sanma kâl isterim
Beli kîl ü kâlile hâl isterem

Kaçan hüsn-i şiirile mağrur olam
Dil-i mest olup günün lâl isterem

Muradum kamusundan vü sözden
Safalu nazardan nevâl isterem

Karar itdi başımda sevda-yı ışk
Anın ben dahi zülf ü hâl isterem

Egerçi güzel sevmek oldı vebal
Leb-i bâli çün vebâl isterem

Gönül derdine leblerinden anun
Deva sormağa herdem el isterem

Güzel didigüm harf-i ma’nidurur
Meseli terk idüp bîmisâl isterem

225