Page 229 - ibrahim_tennuri_gulseni_niyaz

İkinci Bölüm | Metinler

Süseni tazeyile dil uzaduben
Cânile sırrını beyân eyle

Anuben servi boyını yârün
Gözlerün yaşını revân eyle

Bülbülü gülden öğrenüb hâlün
Dost vasfında dâsitân eyle

Vakti dür hoş safâ vü zevk ile söz
Tiz geçer fursat-ı ganimet gör

Bülbüle gül süal kıldı sehar
Eyi özi pür-fiğân sözi şeker

Niçün dûn ü gün karârun yok
Her demün âh ü hasret ile geçer

Her gice uyhu gözlerine haram
Dökilen yaşun oldı hûn-i ciğer

[106b] Şol kadar nâle vü fığan itdün
Doldı âvazınile âlemler

Ben ki dildârunam senünle bile
Herdem idersin ûş yüzüme nazar

Vuslatum şerbetini sen içersen
Pes nedür hâlün eyle bana haber

Didi iy hûb yüzi vü kokısı
Kim cemâlün hemîşe taze vü ter

Nice ağlamayam ki yılda yüzün
İki hefta görürem iy dilber

Yine doymadın ayrulıkda olur
Gönlüm evi harâb zîr ü zeber

229