Page 231 - ibrahim_tennuri_gulseni_niyaz

İkinci Bölüm | Metinler

Zehri kâtil durur hakîkatda
Sûreta gerçi şehd ü bâl oldı

[107b] Ol hakîkat cemâline bu mecaz
Gerçi bir nev’ile misâl oldı

Ko mecâzı hakîkat ister isen
Kim mecaz istemek vebâl oldı

Gerçi birdür hakîkat ile mecaz
Az kişiye bu kâl-i hâl oldı

Vakt-i hoşdur safâ vü zevk ile söz
Tiz geçer fursat-ı ganimet gör

Herki sultan-ı ışka oldı nedim
İki âlemde buldı izz ü na’im

Bu cihan reng-i bûyini n’itsün
Cân elinden ana ki irdi nesim

Nakşi terk eyle iste nakkâşı
Sadefi ko gerekse dürr-i yetim

Sûreti ko kim ehl-i zâhir içün
Ortada perde kıldı hükm-i hakîm

Perdeler gidüp açılur ma’ni
Olıcak dost kapusında mukim

Geçmişi gözetmeğil geleni
Gözün aç hâli hoş gör İbrahim

[108a] Gayri nakşinden eyle gönüli pak
Ki sana hâsıl ola kalb-i selim

Vakt-i hoşdur safâ vü zevk ile söz
Tiz geçer fursat-ı ganimet gör

Vezin: Fâilâtün/Mefâilün/Fâ’lün

231