Page 228 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[105b] 24. vakt-i hoşdur safâ vü zevk ile söz
Tiz geçer fursat-ı ganimet gör
Tan yili çün ki nefha-i Sûr
Ölmiş otlar dirildi buldı şûr

Kış harab itdiğin şâh-ı behâh
Adlile cümle eyledi mamûr

Çeşmeler selsebile benzeyüben
Gülistan cennet oldı güller hûr

Müşk-i anber nesîm-i cân perver
Lâleler mahmûrında kıldı buhûr

Kumrısıile hezar dastanun
Sözleri kâh nazm ü gâh mensûr

Dürlü dürlü gül ü çiçeklerle
Bağ-ı zîba vü bostan pürnûr

Gussanun ismi resmi kalmadı
Doldı âlem safâ vü zevk ü surûr

Vakt-i hoşdur safâ vü zevk ile söz
Tiz geçer fursat-ı ganimet gör

Vaktidür azm-i gülistân eyle
Bağlar köşesin mekân eyle

[106a] Kuşlarile muvafakat eyleyüben
Her sehar nâle vü figân eyle

Lâle gibi ciğer karâra yakub
Gözlerün yaşını erguvân eyle

Gonca gibi hevada sen dahi
Gönlünün râzını ayân eyle

228