Page 236 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Putperest oldı âdetile kalan
Işka sığmadı resm ü âdetler

Âşıka şâhid ü şarab gerek
Zâhide vecd ü zevk ü hâletler

Zâhid aldandı oldığına veli
Âşık olan kodı vilâyetler

Âşıkun bir gerekdür üstâdı
Rü’yete benzemez rivâyetler

Yüze yüz tozana dahi ne gerek
Bu ibârât bu hikâyetler

[111a] Gark olanlar şarâb-ı câm n’ider
Elyuyuben kendiden kor âletler

Mest olan kişi yine câm ister
Işkı sanmam ki, neng ü nâm ister

Âlemün varlığı durur sâye
Sâye nisbet itmeğil âye

Gerçi taş oldı ma’deni la’lün
La’lile bir değül dürur kâye

Ol ki ışkun hâzinesin buldı
Bir bakar cümle yohsul u bâya

Yaydan kim atar okı görgil
Zinhâr itmeğil nazar yâya

Nice bin pîç vardur ol zülfün
Yalunuz ma’ni olma sevdâya

Işkdur bize ata ata
Gerçi sûretde akıldur dâye

236