Page 237 - ibrahim_tennuri_gulseni_niyaz

İkinci Bölüm | Metinler

Varlığun virdi ziyâna gam yemeğil
Çünki ışk oldı serv ü sermâye

Bostânı buldı dirliğin sudan
Issı irmedi ahun çâye

[111b] Bi-hod it bizi birdem ey sâkî
Nice muhtaç olalum râye

Mest olan kişi yine câm ister
Işkı sanmam ki, neng ü nâm ister

Ahdi anun ki yâre muhkemdür
Derd-i dermân ü zahme merhemdür

Dembedem ola ki ışk ile dem urur
Âdemi sanma cânı ademdür

Onsekiz bin kim oldı âlemler
Dost vaslında cümle birdemdür

Çü elif dâl’a irdi dâd oldı
Lam ü ye dâl içinde müdğamdur

Ol mehabbet şaranı kim kaynar
Âşıkun gözi şebnemdür

Od’ı toprağı su bulup viren
Milketin yile şâhı-Edhem’dür

Yâri zikretmek oldı âb-ı hayat
Yâr fikrinden artuğı sitemdür

Canı koyup cihana meyl idenün
Kâmil olmadı aklı key kimdür

[112a] Sâkiya mey vir al bizi bizden
Nice endişe nice bir gamdur

237