Page 242 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Nola eger adile gayr olsa dadı ile birdir
Ebu Yezid ve Cüneyd vü Şakik hem Zünnûn

Denizde gerçi yaradıldı halk çün dürlü
Ve lik kıymetiyle yekdürur dürr-i meknun

Dürridi belki murad ol deniz vücudundan
Nitaki nurı çün ol rikkatiyle hem hümayun

[114b] Yedi yer ve yedi gök, yedi iklîm
Sagışında hem yedi oldı harf-i kün fe yekûn 21

Aslı da bir yalnız noktadur harf-i aslı
Bu nokta halli içun nakle geldi şerh-i mütun

Bu nakş niçelerun kıldı aklını hayran
Bu fitne iy nicenün gönlünü eyledi meftun

Mesel değül mi bir lokma yiyecekde insan
Hezar bahş oluben her damarda kaynar hun

Bu cümle suretün aslı degul mi bir nokta
Asılda nokta bir ve şerh oldı gunagun

Müferrih istersem sen bana nazar kıl kim
Yer ile gökde bu resme düzilmedi ma’cun

Cemad ü canver oldı çü kendiden âkıl
Hayat nakdiyle vardı oldı keymağbun

Beraber olmaya hergiz bilurla bilmez
Kabuliyetde bir olmaya bid’at ü mesnun

Pes âdemi budur ki ura birlikde
İkilik ile olanların oldı himmeti dun

21 “Allah bir şeyi yaratmayı dilediği vakitte O’nun emri o şeye ancak ol demektir. O da hemen oluverir.”
(Kün fe yekûn) Yasin 82. Ayet.

242