Page 244 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[115b] Görün ki abididün gün ibadetinde kavi
Görün ki âşıkı mesti ne subh bildi ne şâm

Çü ömr bin yıl ola bir nefes değül hüşyâr
Ana ki sâki vahdet meram içürdi müdâm

Halal olmaya ışkun şarabı ol gönüle
Ki olmadı ana cümle hevası nakl-i harâm

Bu nefs-i tıflın kesgil hevasından kim
Melek sıfat olan insana layık oldı sıyâm

Namaz-ı kâmil anundur havası cem’ oluben
Kaçan akıl müezzin ola ışk ola imâm

Ruku’ secde kılur mahv-i zât ider ya’ni
Ki key hata ola kayyum hazretinde kıyâm

Kerâmet isteyen kişi kerem durur nâçar
Murad meyli olan ber-murad olur nâkam

Kimine fikr-i melâhi kimine ışk-ı ilâh
Murad meyl kılupdur bu kısmeti kassâm

Kişi ki ışk ile öldi şehid-i mutlakdur
Haberde şöyle buyurdı Resûl-i Fahr-i nâm

Şehid olanlara şahid cemali gösterdi
Zihî ma’işet bî-intiha vü ömr-i devâm

Kimin ki benliği var bellüdür beşareti yok
Kişi ki bî-haber oldı peyapey ider peyâm

[116a] Kimi ki cam-i tecelli-i ışk mest etdi
Kelim-i Hak sıfat müyesser oldı kelâm

Meâni ile makamat açıla İbrahim
Gönül sarayı içinde dursa ışk-ı makam

244