Page 243 - ibrahim_tennuri_gulseni_niyaz

İkinci Bölüm | Metinler

Kimin can güneşi nur verdi gönlünden
Hemişe baht-ı saîd oldı tali-i meymun

Bu razi fehm edenün zariligı eksilmez
Bu sırrı anlayanun kanlı yaşıdur Ceyhun

[115a] Hevay-i aşk ile kim oldı sergerdan
Seğirdip ermedi gerdine gerdiş-i gerdun

Meger ki kuvvet ire Hak Çalab’dan İbrahim
Ki nefs elinde seni kılmaya esir ü zebun

Bu derde çare harabü şikeste olmakdur
Harab olan gönül içinde genc oldı medfun

29. velehü eyzan
Gönül göğüne görindi yeni ile bir meh tam
Bu cismi zülmetini rûşen itdi nurı tamam

Gönül vesâvisin nefis ile dûzah olmuş idi
Anun safası ile şimdi oldı dâr-i selâm

Fakir-i müflis idüm ol lutfi-hâsü’l-hâs
Kemal-i lutfile in’âm-ı hâsın eyledi âm

Kime ki devleti ışk irdi hacetin virdi
Esir-i nefs iken ol server oldı nefs-i gulâm

Ana ki ışk odının zerresi nasip oldı
Harif-i suhte vü puhte oldı kalmadı hâm

Müdam zahid işi ar u ırzın arturmak
Hemişe rind-i harabat içindedür bednâm

Görün ki zahidi, zühdine nice kıldı karar
Görün ki âşıkı, âlemde tutmadı arâm

243