Page 247 - ibrahim_tennuri_gulseni_niyaz

İkinci Bölüm | Metinler

Lutide Hak meğer bize aybumuz urmaya yüze
Eksügümüzi ol düze kılmaya bizi şerisâr

31. kaside ı.

[117b] Gönül sen puhte olgil kim beğenmez puhteler hamı
Dilersen ışk elinden cam oda yak neng-ü namı

İrerse bir nefes mestî feda olsun kamu mesti
Bu bâlâ vü budur besti dimez nûş eyleyen camı

Dahi mescitde zâhitler namazıyle niyâz eyler
İnâyet ışka irürdi harâbat içre bed-nâmı

Niceler hizmet içinde elif boyu dal oldı
Nicenün vahdet içinde elifdür kaddinin lâm’ı

Niceler âmiken kıldı mehabbet âlim ü ârif
Niceler ârifüm dirken bulındı câhil ü âmî

Nühuftini ser-âğazun duyanlar ki muhayyerdür
Bildikim ne makam olur bu avazun serencâmı

Ki olsa derd ile birdem demeyin iki âlemde
Kimün kim yokdurur hebadur cümle eyyâmı

Gönül kim zülfe bağlandı anun her subhı şâm oldı
Kim ol ruhlar safasından hemişe subhıdur şâmı

Benefşe iki kat oldı gamından pîç ü ham zülfün
Yanağı aks-i nûrından gülâb eyler gül-endâmı

Görenler o had-ü hâli gönül göziyle bir yüzden
Dahi katında fark olmaz anun bu rûmı şâm’ı

Melâmet hâsıl idenler selâmetliğinden el-yudu
Dil- ârâm işte diyenler kaçan bula dil-ârâmı

247