Page 249 - ibrahim_tennuri_gulseni_niyaz

İkinci Bölüm | Metinler

Işkun hakikin bilene söz gayb olur
Çün şahs hâle irişe güftâr istemez

Gülgûn ider yanahlarını kanlu yaşile
Ol dahi lâle-zâr ile gülzâr istemez

Ma’ni denizi yüzin görmek muhaldür
Gözlerine kanlu yaşın enhâr istemez

Işkun yolında canın isâr kılmayan
Bîçâre kendüzin sebükbâr istemez

İbrahim iste derdin ışkun devadur
Kim ışkun olsa hastası timâr istemez

Işka fena gerek niçe huy bilse şi’runün
Şi’rin şeîre elemez ve eş’âr istemez

33. velehu eyzan
Yâr belâsında kim bildi ise gûş mal
Giydü lâ hil’atin zehr ü bela oldı bal

[119a] Rahatı mihnetlere virdi mehabbet bulan
Gördi ki mihnetdedür mim ü cemal ü kemal

Cismi muhal ola kim nur ola pervânenun
Şem’i hevasında dönmezse per ü bal

Gönül gözi her kimin gördi mehabbet yüzin
Mihnet ile eyledi cismini misl-i hilal

Gökte güneş vaslınun hasretine düşüben
Derd ile incelmedin bedre irişür hilal

Âşık olan ola ki ider nûş diken nebişini?
Andan ider canına lutuf gülinden neval

249