Page 252 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

35. velehu eyzan
Habib vaktidür eyle derdüme timar
Ki derde dolmaya tağları, benüm tenümde var

[120b] Eğerçi derdini yarün gönül kabul etti
Veli ümid budur kim sora anı dildar

Azim müşkil olur gerçi yar ayrulığı
Sehil durur eğer ahir olursa vuslat-ı yar

Döşekte naz ile yatan dün, özinin ne bilir
Hakikat anı bilen âşık ola, ya bizar

Kime ki nûş gerek, nişi ihtiyar etsin
Seher safa bula mı gice olmayan bi-dar

Cihana kış gelicek dürlü cevr kılmadın
Müzeyyen itmedi lutf ile anı fazl-ı bahar

Yolun mesafeti kat’ında hakemden zahmet
Visal-i Ka’be ile hâsıl olmadı envar

Hakîm gencin rencinde gizledügiçün
Çemende bitmedi gül kim yanında olmadı hâr

Bela didükleri ışk odı oldı anın içün
Belâ içinde bulundı kimün ki cevheri var

Anun ki ışk odı yüreğinde kâr itdi
Kamudan el yuyan farığ oldı şöyle ki var

Kimi ki cam-ı mahabbeti kılubdur serhoş
Aceb değüldür eğer terk ide serveri Settar

Diyar-ı yâre eren deyr ü dairi terk itdi
Ki devri kalmadı ser geşte anı çün perkar

[121a] Sen ol makama erişmeklik iste İbrahim
Kim anda renc ü belâ olmaya vû leyl ü nehar

252