Page 254 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Velehu Eyzan
Bu nice lütuf bu ne ihsân olur
Kim kamû derdün bana dermân olur

Şol sedef ağzun açıcak sözile
Dürr yöresi la’l-i Bedahşân olur

Dişlerinün görse hayalin gözüm
Katraları lü’lü-i ummân olur

Kanumı mey bağrı kebab iderem
Çünki hayalün gice mihmân olur

Vasfun kaçan ki yazam kağıdun
Derdümile bağrı kara kân olur

[122a] Sözile Yâ Rab kalemün yüreğin
Yaşı dökilür işi efgân olur

Gül yüzin öğmekde bu İbrahim
Gör ki nice bülbül-i destân olur

38. velehu eyzan
Kaçan ki ışk şarabına kandı pervâne
Özin ondan urup şem’a yandı pervâne

Ana kanatlar kim olmuşidi bend ü hicâb
Visâl-i şem’i bulup yakdı yandı pervâne

Hemin ki pertev-i şem’ anı okudı bir kez
Ne sıdk olur ki şol kadem inandı pervâne
Bu ayrulık gecesinde meger kim uyurdı
Çu şem’ yüzini gördi uyandı pervâne

Nice kim ayruyidi şâd idi vücudıyla
Yâ niçün ayrulığından utandı pervâne

254