Page 259 - ibrahim_tennuri_gulseni_niyaz

İkinci Bölüm | Metinler

44. ve lehu
Gökteki bedre ta’n ider hüsni ile ol cemâli gör
Hem güneşi hacl kılur tal’atı ber kemâli gör

Durc-i sadefde düriken dişleri la’l-i leb düzer
Gül yüzü servi boyı kudret-i Zül Celâl’i gör

Berk-i gül sanasın katra-i müşk-i ter düzer
İy nazarı-ehli yârimün hot yüzinden hâligör

[125a] Söyleyicek dudakları söze şeker karışdurur
Nicesi teşne-dillere zevkı virür zülâli gör

Bekler dânesin görüb kıldı tama’ gönül kuşu
Zülfünin ağına düşüb âşüfte oldı hâli gör

Her ne letâfet isten hûb tende bulınur
Sûret gibi sırrını hüsün gibi hısâli gör

İy yüzi âfitâbın subh-ı deminden fâl iden
Tâli’u-kân delili anun zülfi içinde dâlı gör

İbrahim ah kim içer kanun kara gözleri
La’l-i lebinden alil sen dahi dadun alı gör

45. velehu eyzan
Gözün mâhmûr mı yâ hâb içinde
Ki ezdi bağrumı hubâb içinde

Ne hûnidür kim ol mey gibi kanum
İçüb esrük yatur mihrâb içinde

Binâguşi üzre fem zülfün gülden
Gönül her lahza pîç ü tâb içinde

Çû zülfün halkasına düşdi gönlüm
Kararı olmayı girdâb içinde

259