Page 263 - ibrahim_tennuri_gulseni_niyaz

İkinci Bölüm | Metinler

51. velehu eyzan
Nidem ne kılam derdüme bir çâre bulınmaz
Hâlüm dûn ü gün nice geçer kimesne bilmez

Zâri kıluram ol meh-i bi-mihri elinden
Kanı dökülür gözlerimün yaşı yeğilmez

[127b] Benden çevürir yüzüni her kande ki görse
Bakub yüzüme karşu bir lütfile gülmez

Didüm çelebi ışkun elinden ölürüm uş
Eydür bin ölürsen benüm aynuma gelmez

Maşûkdan İbrahim iken kılma şikâyet
Kimse kulınun elin alub yabana salmaz

52. velehu eyzan
Yüri iy zârü vü bî-karar gönül
Yirüdür çok inilde var gönül

Olmadun hiç kendü hâlinde
İşüne yokdur i’tibâr gönül

Yine bir dilberi ihtiyâr itdün
Kim anı gözler il ü şâr gönül

Haberün varmıdur kimi sevdün
Kim kılubdur seni şikâr gönül

Müşk-i anber saçında her girihi
Bende bırakdı sad hezâr gönül

Bir kılında asılsa fâriğdür
Bin senün gibi târ ü mâr gönül

[128a] Toprağıyla beraber oldı ana
Şol kadar kıldılar nisâr gönül

263