Page 266 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

55. velehu eyzan
Sana mı kaldı begüm cân ü dil-şikâr etmek
İçüb ye hûn-i ciğer gözlerün humâr etmek

Bana didün ki varam katuna soram hâlün
Revâmı gelmeyüben bizi intizâr etmek

Yüri yüri ki bu kavlün olmadun sâdık
Dahi nolur sözüne senün i’tibâr etmek

Yolunda can ü cihan urmışam iy yâr
Sehl durur ışkunda terk-i âr etmek

Çün olmadı sana yârden inâyet İbrahim
Bu işe çâre nedür, sabrı ihtiyâr etmek

56. velehu eyzan
[129b] Şâhum niçün gözlerinün kasdı, cefâdur
Kim fitne kaşun cânuma peyveste belâdur

Yektâ gönülden bu benüm söz getürdi
Sevdayile kim dopdolu zülf-i dutâdur

Ey ehl-i nazar yârimün ol servi-boyın gör
Şol kamete can vermeğe gel kıl ki salâdur

Ger bana cefâ kılsa hata görmezem anı
Hüsn içre çü ol hûb-i Hoten terki hatâdur

Yârun öperem her nefes ayağın anınçün
Kim bana nesimün getüren bâd-ı sabâdur

Kılan bu seher yilin her subh, muattar
Zülfinde senün silsile-i gâliye sâdur

Hûn-ı lebün ey şâh olupdur çü müheyya
İbrahim’i unutma ki kapunda gedâdur

266