Page 271 - ibrahim_tennuri_gulseni_niyaz

İkinci Bölüm | Metinler

Her lahza bir karar değül bu cihan işi
Çerhun muhalif oldı çü seyrânı gam yime

İşitmedün mi Yûsuf’ı çâha bırakdılar
Takdir Mısr’un eyledi sultânı gam yime

Gönlün evini belâyile yıkdıysa gözleri
Ma’mûr ide lutf ile virânı gam yime

65. velehu eyzan
[132b] Zinhâr gönül nefsine demsâz olma
Tutisin ve zâğile hemdem ü avâz olma

Sultan-ı ezel çü sırrına mahremdür
Dîv ile sakın hemdem ü hemrâz olma

66. velehu eyzan
Can zevki dürür semâ’ü sohbeti dâdı
O yile ki ol dâdı vü üstâdı

Şâkird-i hevesdür ol gönül kim anun
Işk olmadı rehnümâsı vü üstâdı

67. velehu eyzan
Bir katra eger ışk şarabın içesin
Bîhûş oluben bu varlığundan gecesin

Ten bağını can mürğı ayağından kes
Ger diledisen ki lâmekâna uçasın

271