Page 269 - ibrahim_tennuri_gulseni_niyaz

İkinci Bölüm | Metinler

61. velehu eyzan
Begüm derdün bana uş kâr kıldı
Vücudum sağ iken bî-mâr kıldı

Gönül mansûrını ışkun Cüneydi
Buyurdı zülfin ile dâr kıldı

Nice kim gizledüm sırrımı ileden
Fırâkun cümlesin izhâr kıldı

Kime kim bir vefâ kılgil didimse
Cefâsın ol banâ tekrâr kıldı

Neçün kılasın İbrahim şikâyet
Hele ne kıldıysa yâr kıldı

62. velehu eyzan
Bir nokta ol dâireden merkeze irdi
Nûr oldı bugün cân ü gönülden göze irdi

[131b] Ma’nide kalem can varakına ne ki yazdı
Harf oldı kamû dil varakından söze irdi

Vahdet güneşi kim yoğidi nâm ü nişânı
Her bahtı sa’id etmek içün ılduze irdi

Gözgüde cemâlin diledi görmeğe zâhir
Bir yüzle bir âyineden yüz yüze irdi

Her sûrete kim uğradı seyran ideriken
Meşşâta yedi hüsn-i cemâlin düze irdi

Ne şekil bu hüsn ile resm itdi kalmakdan
Her birine bir dürlü safa vü meze irdi

Biri şöyle âlemi sayd itdi temâmet
Bir gamze ile can gönlünde öze irdi

269