Page 268 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

59. velehu eyzan
[130b] Teşneyem lâ’l-i lebünden bize kıl sır begüm
Lütfünü ben kuluna eyleme taksir begüm

Eli bâ-bahasuz tapuna kul olmışam ûş
Zülfini kılalıdan boynuma zencir begüm

Can ü gönül ikisin yoluna harc eyleyişim
Gönülü sen eylemedün bağu ile bir begüm

Vaslına irmeğe tedbir kıluram dûn ü gün
Kande tedbire muvâfık ola tedbir begüm

Bu gice düşde meğer tapuna İbrahim irer
Sen kılursun yine hem bu düşi ta’bir begüm

60. velehu eyzan
Bizi şol leylî sıfat zülfün ki mecnûn eyledi
Benlerün sevdasın dahi aklı meftûn eyledi

Gül yüzün üzre fülfül gibi benler dânesi
Zülfünün dâmenin yüzbin canı tutgun eyledi

Dişlerünile dudaklarun hayâli ey sanem
Gözlerümi gevher ü la’l ile Kârun eyledi

Dişlerin incüsi katında hayâdan su olur
Bahr içinde şol sadef kim dürri-meknûn eyledi

[131a] Hüsnünün gülzârı ışkından efendi niceler
Gözlerin kan yaşiyle her lahza gülgûn eyledi

Gonca-gül ağzını la’lüne benzetmiş meger
Şöyle irdi tan yili ağzını pür-hûn eyledi

Terbiyet kılalı la’lün şiirini İbrahim ûş
Her sözün mazmın cevahir gibi mevzûn eyledi

268