Page 265 - ibrahim_tennuri_gulseni_niyaz

İkinci Bölüm | Metinler

54. velehu eyzan
Kan ağlaram nigârun senden ayru
Ciğerdür yara yârüm senden ayru

Devâdur sanma yoldaşum belâdur
Hebâdur rüzgarum senden ayru

Kışum yaz u gamum şâdi senünle
Günüm dün kış baharum senden ayru

Çü mestâne gözünle mest idüm ben
Yaraşmaz bu humârüm senden ayru

Gönül zülfünde kılmışdur perişan
Anunçün yok karârım senden ayru

Eğer olmasa hasretden ölürdüm
Hayâlün yâdigarum sende ayru

Felekler de melekler hep işitdi
Yer üzre âh ü zârum senden ayru

[129a] Düşeliden boynuma zülfün kemendi
Belâ oldı şikârum senden ayru

Yolunda yele verdüm neng ü nâmı
Dükendi fahr ü ârum senden ayru

Çü sermayem yüzün görmekdür ancak
Ziyandur kâr ü bârum senden ayru

Bu İbrahim’e varlık yâr güzükdür
Ki değmez yoğa varum senden ayru

265