Page 260 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

46. velehu eyzan
[125b] Benümle gör nice fi’l itdi bu zamane begüm
Ki hasret olmışam ûş sen latif cana begüm

Fırakunile gözüm yaşı döndi deryaya
Irişdi nâle vü efgânım âsümana begüm

Gözüm ki görmeye her lahza tal’atun eyni
Nidarem ol gözü ben bakmasun cihana begüm

Bu zevk ü îşü temâşa özünden eydüyenem
Ne assım ola kamû değmez ol ziyana begüm

Felek cefâsı yayından ne ok kim atılsa
Benüm yüreğim olmuşdürür nişâna begüm

Yüzüni görseydi ölmedin bu İbrahim
İreydi devletile ömri câvidana begüm

47. velehu eyzan
Bir kişi kim cemâlin reşk-i bütâ çîn ola
Yiğ derisem güneşten ol hûb yüzine çîn ola

Nâz ü na’imile ömür sürse aceb mi ki anun
Hem nefesi vü hem demi sen şeh-i nâzenin ola

[126a] Mihnet sana ki göricek cânile sevmeya seni
Devlet anun ki tapunda kemterin ola

Yüzün kaşını gören dir ki felekde görmedim
İki hilâl ü bir güneş konuşa hemnişin ola

Hüsnüne hulkunun gören eydür, eyâ melek sıfat
Nesl-i beşerden ol kadar lütf ü kerem hemin ola

Boyuna benzer iy sanem serv ü çemende var mı ki
Şehd ü leb ü şeker gül yüzü meh-cebin ola

260