Page 261 - ibrahim_tennuri_gulseni_niyaz
P. 261
İkinci Bölüm | Metinler
İbrahim öğecek senün la’l-i lebün halâvetin
Cümle gerek ki sözleri şeker ü engübin ola
48. velehu eyzan
Gül ki şol taze yüzin lâle-i handâne güler
Süz ki şol kara gözün nergis-i mestâne güler
Nice nâzun sadef olur senün neng ü ağzın
Ki latif incüleri gevher-i ummana güler
Leblerün rengi akîki nice mât itmeye çün
Kadrimüz cânı sıyb la’l-i Bedahşan’a güler
Zülfünün râyihasın alalıdan bâd-ı sabâ
Çemen içre irecek sünbül ü reyhana güler
[126b] Ki anı kullığa iy dost kabul eyle sen
Özüni şâh bilüb mülk-i Süleymana güler
Öğeli gül yüzü şeker tudağun İbrahim
Tutiye ta’na urur bülbül-i mestâne güler
49. velehu eyzan
Bahruna düşeliden işbu dil ü cân ağlar
Hod gönül hâlin sorma nice nâlân ağlar
Ben neçâre bulayın rencine ışkun ki tabib
Bulmadı isteyen derdine dermân ağlar
Dilile ben sana hâlümi ne hâcet ki diyem
Çûn gözüm derdimi vasf itmegiçün kân ağlar
Leblerün şevk-ı akîkün deleliden ciğerin
Yüreği kan oluben la’l-i Bedahşân ağlar
261
