Page 267 - ibrahim_tennuri_gulseni_niyaz

İkinci Bölüm | Metinler

57. velehu eyzan
Yine meyl itdi gönül bir dilberin sevdâsına
Üş yine garkolmağı ister ışkın deryâsına

Niceyi sabr eyleyen ben görüp lutf issini
Kimdür ol kim âşık olmaz sûreti-zîbasına

Didüm ey mehrû vefâ kıl güldi yoh didi
Can-fedâ olsun ana vü dahi şol lâlasına

[130a] Hüsrev işitse sözüni diye ki Şirin budur
Görse yüzin bakmaya Vamık ol Azrâ’sına

Kirpük oklarına cânum niçesi keşir olmasın
Çünki kurban oldı gülüm kaşlarınun yâsına

Servi boyın görüben yüzün yire kodum ayân
Çün elüm irmez sanaram kâmet-i bâlâsına

Furkat içinde olubdur bugün İbrahim-i za’if
Nola ger rahm-iderse ışkunun şeydâsına

58. velehu eyzan
Gönül virelden o yâre nedendür görmedüm şâdı
Bu ışkun cevr ü gusayımış meğer evvelde bünyâdi

Bana o hûb dildârun firâkı ağudan acı
Bulana vaslı balınun şekerden tatlıdur dâdı

Şu kim mihnetleri rahat bilenler ışka yâr oldı
Mehabbet yolınun her dem ciğeri giryânıdur zâdı

Eğerçi benden ol fâriğ ben ansuz olmazam birdem
Gönülde fikri derdi dilümde zikri vü adı

Neçün o âşina yârün işi bîgâne var oldı
Döker bilişlerün yaşın hemişe gelür yâdı

267