Page 162 - Kayseri Sancağı Tımarları

162

Tîmâr_____________________ı
Yûsuf, an tahvîl-i Halîl el-müteveffâ
Karye-i Çat, tâbi‘-i m. 2.189 Mezra‘a-i Akçavîrân, nezd-i karye-i Derbend,
tâbi‘-i Ürgüp, 811
Yekûn 3.000
Mezkûr Yûsuf Defter-i Hâkânî kâtiblerinden Kâtib Husrev'in âdemlerinden olup Gence kal‘ası
binâsında küllî hidmetde bulunmağın mezîd-i inâyetden ibtidâdan 3.000 akçe tîmâra Serdâr Ferhâd
PaĢa tarafından doksan altı Zilhiccesinin evâhiri ile verilen hükm-i Ģerîfi ibrâz edüp ve ba‘dehu
mezkûr Yûsuf gelüp Defter-i Hâkânî kâtiblerinin adamlarından olup Gence kal‘ası binâsında hidmetde
ve yoldaĢlıkda bulunup mezîd-i inâyetden ibtidâdan 3.000 [akçe] tîmâra emir verilüp müyesser
olmaduğun ve Niğde sancağında Karahisâr nâhiyesinde Çat nâm karye ve gayriden 3.000 akçe tîmârı
olap Halîl nefs-i Ġstanbul'da fevt olup tîmârı mahlûldür, deyü kendüye verilmek bâbında inâyet ricâ
etmeğin mezkûr elinde ol mikdâr tîmâra emri var ise ve mezkûr livâ-i mezbûrda ol mikdâr tîmâra
mutasarrıf iken sahîh nefs-i Ġstanbul'da fevt olup tîmârı bi'l-fi‘il mahlûl ise müstahıkk olduğu bedelin
tevcîh eylesin, deyü Karaman beğlerbeğisine hükm-i Ģerîf verildikden sonra tezkiresi Bâb-ı sa‘âdetden
ihrâc [C/253] olunmak fermân olunmağın emr-i âlî mûcebince vech-i meĢrûh üzre tîmâr-ı mezbûr
müteveffâ Halîl tahvîlinden merkûm Yûsuf'a tevcîh olunup berât-ı âlîĢân içün Der-i Devlet'den tezkire
verildi.
Fi'l-yevmi's-sâdis min Ģehri Muharremi'l-harâm sene semân ve tis‘în ve tis‘a-mie.

[C/254]
[Yev]mü'l-isneyn, fî 14 Rebî'u'l-evvel sene 998
Emr-i şerîf verilmişdir.
Ferâğat edüp âhara verildi, 998.
Nâhiye-i Karahisâr der livâ-i Niğde
Tîmâr_____________________ı
Sinân bin Mustafâ, an tahvîl-i Hüseyin el-müteveffâ

Karye-i Büget, tâbi‘-i Karahisâr: 3.800 der-karye-i Büget el-mezbûr, havlularıyla
ma‘rûfdur: 3.200
Yekûn: 7.000
Hisse: 5.000
Ber vech-i tekmîl 6.000
ĠĢbu 5.000 akçe tîmâr müteveffâ Hüseyin tahvîlinden mahlûl olmağın Mustafâ oğlu Sinân kulları
Tırhala sancağında 6.000 akçe tîmârdan ma‘zûl olduğun bildirüp ve livâ-i mezbûrda ve nâhiye-i m.
Büget nâm karye ve gayriden 5.000 akçe tîmâra mutasarrıf olan Hüseyin fevt olup tîmârı mahlûldür,
deyü kendüye verilmek bâbında inâyet ricâ etmeğin noksânı düĢenden tekmîl olmak üzre tevcîh
edesin, deyü sene 96 Zilka‘desinin onuncu günüyle mezbûra verilmeğin ber-mûceb-i emr-i âlî zikr
olunan 5.000 akçe tîmâr 1.000 akçe noksânıyla ber vech-i tekmîl 6.000 akçelik üzre tevcîh olunup
berât içün tezkire verildi.
Fî 20 Zilka‘de sene 996.
Tezkire-i Mehmed PaĢa.

[C/258]
[Yev]mü's-sülesâ, fî 8 Cemâziye'l-evvel sene 998
Dört kıt‘a ahkâm-ı şerîf verilmişdir, tecdîd-i berât etdi, sene 998.
Nâhiye-i Karahisâr der livâ-i Niğde
Ze‘âmet___________________i
benam-ı Yûsuf ser bevvâbîn-ı düstûr-ı ekrem vezîr-i a‘zam hazret-i Sinân PaĢa ve müteferrika-i
Dergâh-ı âlî, an tahvîl-i hod.