Page 164 - Kayseri Sancağı Tımarları

164

akçe terakkîlere ahkâm-ı Ģerîfe verilüp müyesser olmayup ve Avlonya sancağında Belgrad
nâhiyesinde Mernik nâm karye ve gayriden 29.886 akçe ze‘âmete mutasarrıf olan Murâd adam
katledüp esbâbın serîka edüp ve bunun emsâli niçe fesâd eyledüğü Zile kadısı arz eyledikde serdâr
tarafından çavuĢ ile hükm-i Ģerîf gönderilüp da‘vet olundukda firâr edüp Âsitâne-i sa‘âdete arz
olundukda ze‘âmeti alınmak fermân olunmağın kılıcı âhara verilüp ifrâzı mahlûldür, deyü kendüye
verilmek bâbında inâyet ricâ etmeğin mezkûrun tasarrufunda olduğu ze‘âmetinin noksânı var ise ve
elinde ol mikdâr terakkîlere ahkâm-ı Ģerîfe var ise ve mezbûr ol mikdâr ze‘âmete mutasarrıf olup kıcılı
âhara verilüp ifrâzı bi'l-fi‘il mahlûl ise noksân ve terakkîsi bedelin tevcîh edüp tezkiresin veresin, deyü
Rûmeli beğlerbeğisi sene 998 Saferinin yigirminci gününden hükm-i Ģerîf ba‘dehu müĢârunileyh
Südde-i sa‘âdete gelüp mutasarrıf olduğu ze‘âmetinin ol mikdâr noksânı olduğun ve Erzurûm
sancağında Bayburd nâhiyesinde ÇardiĢ nâm karye ve gayriden 13.000 akçe tîmâra mutasarrıf olan
Lütfî ÇavuĢ fevt olup tîmâr mahlûldür, deyü Ahmed nâm kimesneye verilüp mezkûr Ahmed berât
etmedin âhar tîmâra tâlib olup tîmâr-ı mezbûr müteveffâ tahvîlinden kendüye verilmek bâbında inâyet
ricâ etmeğin mezkûrun berâtı [C/260] mûcebince noksânı var ise ve mezkûr fevt olup tîmârı Ahmed
nâm kimesneye verilüp berât etmedin âhar tîmâra tâlib olup bi'l-fi“il mahlûl ise ve kılıca ilhâkı lâzım
değil ise noksâniyçün tevcîh edüp tezkiresin veresin, deyü Erzurûm beğlerbeğisine sene-i mezbûre
Rebî‘ü'l-evvelinin onuncu günü târîhiyle müverrah hükm-i Ģerîf verilüp tezkiresi Bâb-ı sa‘âdetden
ihrâc olunmak fermân olunup ba‘dehu mezkûr içün Tebrîz ve Hamne kal‘aları ta‘mîrinde ve
yoldaĢlıkda bulunmuĢdur, deyü Solkol alaybeğbisi Mehmed defteriyle arz olundukda sene 994
Zilhiccesinin evâyilinde 2.000 akçe ve bir def‘a dahi Haleb'de mâl-ı mîrî tahsîlinde sa‘yi zuhûra
gelmiĢdir, deyü Dergâh-ı âlî müteferrikalarından Mansûr zîde mecduhu mühürlü defter ile i‘lâm
eyledikde sene 995 Zilhiccesinin evâsıtında 3.000 akçe terakkîlere evâmir-i Ģerîfe verilüp berâtına
ilhâk olunmak fermân olunmağın ber mûceb-i emr-i âlî zikr olunan 9.886 akçe tîmâr ehl-i fesâd olan
Murâd ve 13.000 akçe hisse dahi müteveffâ Lütfî ÇavuĢ tahvîllerinden mûmâileyhin elinde olan
66.299 akçe ze‘âmetiyle birikdirilüp cümle ze‘âmeti 89.265 akçe istihkâkı ve terakkîleri bedelinden
42.312 akçelik noksânıyla ber-vech-i tekmîl 131.577 akçelik üzre müĢârunileyh Yûsuf'a tevcîh olunup
Der-i devletden berât-ı âlîĢân içün tezkire verildi.
Tahrîren fî 15 Rebî‘ü'l-âhir sene 998.

[C/264]
[Yev]mü's-sülesâ, fî 11 Cemâziye'l-evvel sene 998
Nâhiye-i KaraHisârı Develü, der livâ-i Niğde
Tîmâr_____________________ı
Yûsuf veled-i Mahmûd, an tahvîl-i Ġbrâhîm bin Mahmûd el-müteveffâ, ber mûceb-i tezkire-i
mîrimîrân

Karye-i Çiftlik tâbi‘-i mezbûr, Karye-i Killik tâbi‘-i ġamardı, Karye-i Alî ve Hacı tâbi‘-i
mâlikâne vakf 3.698, hisse: 2.700, hisse: 3.000 Ürgüp, 1.800, hisse: 1.500
3.000
Yekûn 3.500
Hisse 2999,
Hisse 800
Yekûn 3.800
[Ferâğat edüp âhara verildi.]
Çıldır beğlerbeğisi Husrev PaĢa mühürlü defter gönderüp Dergâh-ı mu‘allâ mütefarrikalarından
Mustafâ Kethudâ'nun âdemlerinden Mahmûd oğlu mezkûr Yûsuf içün yarar olup Revân kal‘ası
binâsında hidmetde bulunmuĢdur, deyü bildirmeğin ibtidâdan 3.000 akçe tîmâra sene 991 ġevvâlinin
evâsıtı târîhiyle hükm-i Ģerîf verilüp müyesser olmayup ve Niğde sancağında tîmâr-ı mezbûra
mutasarrıf olan Ġbrâhîm bin Mahmûd fevt olup tîmârı mahlûldür, deyü kendüye verilmek bâbında
inâyet ricâ etmeğin mezbûrun elinde ol mikdâr tîmâr emri var ise ve mezkûr fevt olup tîmârı mahlûl
ise 800 akçe ziyâdesiyle tevcîh edesin, deyü Karaman beğlerbeğisine serdâr tarafından sene 997
Zilhiccesinin yigirmi beĢinci günüyle emr-i Ģerîf verildikden sonra tezkiresi südde-i sa‘âdetden ihrâc