Page 62 - Kayseri Sancağı Tımarları

62

Zilhiccesinin evâsıtında 3.000 akçe ve bir def‘a dahi Gence kal‘ası binâsında küllî hidmetde
bulunduğın müĢârun-ileyh Hasan ÇavuĢ defter ile i‘lâm etdükde sene 997 Muharreminin evâyilinde
mezîd-i inâyetden 3.000 akçe ve bir def‘a dahi Ziyâd-oğlu Mehmed Hân ılgarında küllî yoldaĢlık
etdüğin mûmâ-ileyh Hasan ÇavuĢ defter ile i‘lâm etdükde târîh-i mezbûrda mezîd-i inâyetden 3.000
akçe terakkîlere serdâr Ferhâd PaĢa hazretleri tarafından ahkâm-ı Ģerîfe verilmeğin mezkûr
Abdülvehhâb gelüp yine livâ-i mezbûrda Çırgalan nâm karye ve gayriden 9.588 akçe tîmâra mutasarrıf
olan Hamza ÇavuĢ tîmâr-ı mezbûru Dergâh-ı âlî çavuĢlarından Abdüsselâm ÇavuĢ'a ferâğat edüp
berâtına ferâğat kaydı yazılup emr-i Ģerîf verildikden sonra mezbûr Abdüsselâm ÇavuĢ dahi mezbûrun
2.000 akçe hissesin emrin verüp serdâr-ı müĢârun-ileyh huzûrunda kendüye ferâğat etmeğin emrinin
kaydı üzerine ferâğatı Ģerh olunduğun bildirüp inâyet ricâ etmeğin tîmâr-ı mezbûrun 2.000 akçe hisse
mezbûra tevcîh edesin, deyü Karaman beğlerbeğisine sene 997 Rebî‘ü'l-evvelinin evâyili ile müverrah
serdâr-ı müĢârun-ileyh tarafından hükm-i Ģerîf verildikden sonra hâlâ tezkiresi Bâb-ı sa‘âdet'den ihrâc
olunmak fermân olunmağın mûceb-i emr-i âlî tîmâr-ı mezbûrun 2.000 akçe hissesi vech-i meĢrûh üzre
Hamza ÇavuĢ tahvîlinden merkûm Abdülvehhâb'ın elinde olanıyla birikdirilüp cümle ze‘âmeti 42.799
akçelik olup sekiz def‘a emr olunan terakkîleriyle fermân olunan ziyâdesi bedelinden 14.000 akçe
noksânıyla ber-vech-i tekmîl 56.799 akçelik üzre Der-i devlet'den tevcîh olunup tezkire verilmeğin
zikr olunan tezkirede dahi mezkûr altı kıt‘a terakkîleri hükümleri âmed olup yukaru cânibden gelen
elçi Mûsâ Hân iltimâsıyla mukaddemâ Kayseriyye alaybeğisi olan mezkûr Abdülvehhâb içün yarar
olup ġark seferinde hidmet etmiĢdir, deyü Dergâh-ı âlî çavuĢluğu ricâ etdikde serdâr hazretleri
tarafından tevcîh olunup emr-i Ģerîf verilmeğin hâlâ zümre-i mezbûreden Bekir ÇavuĢ fevt olmuĢdur,
deyü kendüsine ricâ etdikde arzolunup hatt-ı hümâyûn ile sene 998 Ramazânının altıncı gününde
verilmek (---) mümzâ sûret-i ru’ûs verilmekle berâtına ilhâk olunmak buyrulmağın ber-mûceb-i emr-i
âlî müteveffâ-yı mezbûrdan (---) Dergâh-ı âlî çavuĢlarından olmak üzre tecdîd-i berât-ı âlîĢân içün
tezkire verildi.
Fî 7 Ramazânü'l-mübârek sene 998.

[C/383]
[Yev]mü's-sülesâ, fî 13 Şevvâl sene 998.
Beş kıt‘a ahkâm-ı şerîfe verilmişdir.
Nâhiye-i Sahrâ, der-livâ-i Kayseriyye
Ze‘âmet_____________________i
be-nâm-ı Abdürrezâk bin Hamza, an-tahvîl-i Mustafâ veled-i Abdullâh el-müteveffâ
Karye-i Ağcain, tâbi‘-i Karye-i Ağcain, Berke Mezra‘a-i TaĢağıl, tâbi‘-i
Sahrâ cemâ‘at-i mütemekkindir, tâbi‘-i Göstere
Hasıl-ı dîvânî: 4.140 m. Hâsıl iki baĢ: 1.560
Hasıl-ı dîvânî: 1.800 Hisse: 1.060

Yekûn: 7.000
Ber-vech-i tekmîl: 40.500

MüĢârun-ileyh Abdürrezâk içün Haleb beğlerbeğisi Der-i devlet'e defter gönderüp Haleb'de
ze‘âmete müstahıkk olup vâki‘ olan ġark seferinde yoldaĢlıkda bulunmuĢdur, deyü arz etmeğin mezîd-
i inâyetden sene 993 ġevvâlinin evâsıtıyla 3.000 akçe ve yine bir def‘a Haleb cânibi defterdârı
Mahmûd Dergâh-ı mu‘allâ'ya mektûb gönderüp mûmâ-ileyh içün yarar ve mâl-ı mîrîde istihdâm
olunup sa‘yi zuhûra gelmiĢdir, deyü inâyet ricâ etmeğin sene 997 Muharreminin evâyilinde 2.000 akçe
ve yine Karaman beğlerbeğisi Südde-i sa‘âdet'e mektûb gönderüp mezkûr içün yarardır, deyü inâyet
ricâ etmeğin sene 998 Rebî‘ü'l-evelinin evâyili târîhiyle 2.000 akçe ve yine bir def‘a Erzurûm
beğlerbeğisi Hasan PaĢa Der-i devlet'e mektûb gönderüp mezbûr içün yarardır, deyü arzetmeğin sene-i
mezbûre Rebî‘ü'l-evelinin evâhiri târîhiyle 3.000 akçe terakkîlere dört kıt‘a ahkâm-ı Ģerîfe verilüp ve
hâlâ Hamza oğlu mûmâ-ileyh Dergâh-ı mu‘allâ'ya gelüp bundan evvel Basra'ya tâbi‘ Remle kal‘ası
azeblerine yevmî elli beĢ akçe ulûfe ile ağa iken yararlığı arz olundukda sülüsân hisâbı üzre Bağdad'da
mezîd-i inâyetden 30.366 akçe ze‘âmete emr-i Ģerîf verilüp ve bir def‘a mâl-ı mîrîde istihdâm olunup