Page 63 - Kayseri Sancağı Tımarları

63

sa‘yi zuhûra gelmiĢdir, deyü 93 Zilhiccesinin evâyilinde 2.000 akçe terakkîye emr-i Ģerîf verilüp
sülüsân emri ile terakkî emri alınup Haleb'e tebdîl ve bir def‘a Haleb'de ze‘âmete emri var iken mezîd-
i inâyetden sene 94 Recebinin evâhirinde 2.000 akçe ve mâl-ı mîrîde istihdâm olunup nice sa‘yi
zuhûra gelmiĢdir, deyü sâbık Haleb defterdârı i‘lâm eyledükde 95 Muharreminin evâyilinde mezîd-i
inâyetden 3.000 akçe ve bir def‘a dahi mezîd-i inâyetden sene-i mezbûre Zilhiccesinin evâhirinde
1.500 akçe terakkîlere ahkâm-ı Ģerîfe verilüp müyesser olmayup sülüsân üzre ze‘âmete verilen emr
alınup 22.00 akçe [C/384] üzre terakkîlere verilen emirler dahi alınup Karaman'a tebdîl olunup henüz
müyesser olmaduğın ve Kayseriyye sancağında tîmâr-ı mezbûra mutasarrıf olan Abdullâh oğlu
Mustafâ fevt olup tîmârı mahlûldur, deyü kendüye verilmek bâbında inâyet ricâ etmeğin Karaman'a
tebdîl olunan emr-i Ģerîf dahi alınup tîmâr-ı mezbûr bundan akdem âhara verilmiĢ olmayup bi'l-fi‘l
mahlûl ise bâki noksânı düĢenden tekmîl olunmak üzre tevcîh edesin, deyü Karaman beğlerbeğisine
sene 998 Rebî‘ü'l-âhirinin on ikinci günüyle hükm-i Ģerîf verildikden sonra tezkiresi Bâb-ı sa‘âdet'den
ihrâc olunmak fermân olunmağın ber-mûceb-i emr-i âlî tîmâr-ı mezbûr Abdullâh oğlu müteveffâ
Mustafâ tahvîlinden vech-i meĢrûh üzre Hamza oğlu mûmâ-ileyh Abdürrezâk'a ibtidâ ve fermân
olunan terakkîleri bedelinden 23.500 akçe noksânıyla ber-vech-i tekmîl 40.500 akçe üzre tevcîh
olunup Der-i devlet'den berât-ı âlîĢân içün tezkire verildi.
Fî 14 Cemâziye'l-evvel sene 998.