Page 113 - ibrahim_tennuri_gulseni_niyaz

İkinci Bölüm | Metinler

Anun zâtını bilen bildi İlâhi
Kulunı bulmayan bulmadı şâhı

Anun gönlinde akdı âb-ı kevser
Anun ayağı tozı müşk ü anber

Kaçan kim kendü nefsini bile bir kul
Muhammed nefsine andan bulur yol

Bulan ol âşık maşuka buldı
Ki ya’ni Mustafa âyine oldı

[37b] Pes oldı nefsi bilmek sa’âdet
Ki tevbe ile buldı hidâyet

Bu bilmekden netice yokluğ oldı
Yoğ olmayan bekâ milkini buldı

Bu bilmekten İlâhî kılma mahrum
Bu zâtındur ki itdi sırrı ma’lum

Cehalet zehrine tiryâk-ı ekber
Bu ilim oldıki canlar anı ister

Eğerçi bu temannâlara el irmez
Ana kim virmedün sen kimesne virmez

Bilürüz bahşişün âlem oldı Yâ Rab
İşin eltâf ü in’âm oldı Yâ Rab

Gelicek Hazretüne hoş nâhoş
Ümid oldur ki dönmeye eli boş

Ceza eğerçi amelsiz hâsıl olmaz
Velî fazluna nesne ma’ni olmaz

Habib’ün hem Halil’ün hürmetiçün
Birinün hulkı bizi hulleti içün

113