Page 109 - ibrahim_tennuri_gulseni_niyaz

İkinci Bölüm | Metinler

Bulup altun muradı hâsıl oldı
Kızıl altunile gülbini güldi

[35a] Egerçi çok durur ilm ü hünerler
Eğerçi neyi kıyas oldı nezarlar

Kimi alet dürûr kimisi hâcet
Kiminden hâsıl oldı mal ü mülket

Kimi fahr ü kimi âd içün oldı
Kimi dîn kim dad içün oldı

Eğerçi şahsa ten ilmi gerekdür
Velî can ilmi andan yikrekdür

Kişi kim her nefesde mahv ister
Kaçan ol ilmi tıb nahv ister

Mecârını komayan bulmaz tahkik
Tasavvuru terk idenler buldı tasdik

Şeri’at ilm-i ten candur hakikat
Biri derd ü biri derman hakikat

Eğerçi tensüz ola can görinmez
Bu ma’ni dilde harf olmazsa dönmez

Ledün ilmi yazılmadı kitâba
Sadâ benzer mi ma’nide hitâba

Gönül levhinde yazıldı hemîn ol
Anun içün benzemez mahsûsa ma’kul

Bu söze diyeyim bir hoş mesel var
Garaz tekîd içündür olsa tekrar

[35b] Meğer var idi bir şâh-ı bîgâne
Eyü adıyla dolmışdı cihâna

109