Page 106 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Didi iy ahmak ü bî-akıl ü nâdân
Gedaya lokma kandan genc kandân

Halel vardur senün aklunda Hakk’a
Bu işi işlemez illâ ki sevda

Senün gibi delünün işi budur
Abes yire ki herdem yiye kaygudur

Bu sevda içre kim oldun giriftar
İşün hem sana layıkdur bina var

Dimegil dahi buna genc-nâme
Buyimiş mihnetiyle renc-nâme

Bu resme şâh ana dil zahmin urdı
Eline ruk’asın virdi vü sürdi

Şikeste olup bî-çâre gitdi
Varup halvetde zârîlikler itdi

[33b] Didi iy kadir ü hannân mennân
Senün fazlunla düşvar olmadı kesân

Kati üftâde kaldum destgir ol
Ki her gümrâha lütfun gösterir yol

Bilursun niyetdir gönlümde râzım
Kabul itsen n’ola nâz ü niyâzım

Ciğerkan oldığından sonra nâgâh
Neyi bizlerden itdigüçün âgâh

Bana bu sırdan açılmadı mâ’ni
Ki bulam istedüğüm genc’i ya’ni

Bilürem hak durur aybı hıtâbun
Suâl idenler ider cevâbun

106