Page 107 - ibrahim_tennuri_gulseni_niyaz

İkinci Bölüm | Metinler

Senün cûdundan olmaz kimse mahrûm
Yaradılmışun oldi rızkı taksüm

Bu benden cehd ü cidd ü sabır benden
Hidâyet vaktidür kim ire senden

Bu benden cehd ve sendendür hidâyet
Veli cehd üzere gâlibdür inâyet

Münâcat itdi bir dem gussa yidi
Meğer ol yaşlu gözları uyutdı

Çü birdem kenduliginden oldı bî-hûş
Gönlümden gitdi kamû fikr-i teşviş

[34a] Fena denizinde gark oldı vücudı
İrişdi bes Hakk’ın ihsân cûdı

Fena gencinden oldı var olanlar
İrişdi çâreye nâçar olanlar

Fena odında yanar çünkim ol ûd
Vücudından yiğrek bulur cûd

Ciğerkân olmayınca müşk olmaz
Kimesne kokusından zevk bulmaz

Hilâl olmazsa ayın bedri olmaz
Delinmayince dürrin kadri olmaz

Güli kaynatmadan çıkmaz gülâbı
Olurmu ezmeden şeker cullâbı

Mu’attal kaldı biş hissi işinden
Yedi azası dahi cünbişinden

İrişdi gayb yolından haberler
Haberlerden açıldı bin nazarlar

107