Page 102 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Atâ kıldun çü ni’metler sebebsüz
Virdüsen rızkumı toyunum talebsüz

Müyesser kıl bana genc-i gaybi
Ki nefsün örtila anunla aybı

Halayık varlığından bî-niyâz it
İğen toprakda kaldum serfirâz et

Bu dilekde geçürdi nice günler
Ulaşarurdı sabaha nice dünler

[31a] Bulurdı bu niyaz ile seharler
Seharlerden irişürdi eserler

Seharler safhasına her ki bakdı
Dilinden ilmi hikmet suyı akdı

Bu ten dün oldı künuz-i cân bahr-i dil
Gönülden hâsıl oldu her safa bil

Sehar kadrin ehli diller anlar
Ne bilür değme bir hâm ve ozanlar

Bu fikrile umızgandı meger ol
Safa gönlinden açub göklere yol

Cihânun gussasına ölünki yimez
Uyursa gözleri gönli uyumaz

Ki şöhret perdedür gönül gözine
Gönül gözi bakar ma’ni yüzine

Çü gitdi perde keşf oldı me’âni
Neyi kim isteridi gördi ânı

Ta’lakundan üzüldi bend ü bağı
Açıldı lacerem gönli kulağı

102