Page 99 - ibrahim_tennuri_gulseni_niyaz

İkinci Bölüm | Metinler

[29a] hikâyet-i genc-nâme
Ol âdem cânı vü insân-ı kâmil
Kim andan zâhir oldı her fezâyil

Veliler ortasında kutb-ı deverân
Ana geşf olmışidi sırr-ı Kur’ân

Hakâyık menba’ı vü ehl-i ma’ni
Celâlü’l-hakı ve’d-dînü oldı ya’ni

Güneş tarifine irmez ibâret
Güneş kendüzini öğer ne hâcet

Güni medh eyleyen kendüyi öğer
Hem anı ayb iden kendüye söğer

O gün dir gözleyim gözlerde nûrem
Anı ayb eyleyen ider ki körem

Erenler zâtı şerh olmaz sözile
Meger kim göreler rûşen gözile

Velikin baş gözi anları görmez
Ki baş gözine ulular dibdi bez

Meger gönül gözüyle baka bile
Kim ol nûrânî yüze baka bile

Hemişe himmeti bizimle olsun
Gönül ma’nilerin zevk bulsun

[29b] Revân olsun revânından mededler
Mededlerimiz giydurur feth-i sedler

Buyurmış bir hikâyet Mesnevî’de
Eğer bakarsan ol kitâb-ı mânevîde

Meseldür gösterir yol sana senden
Basiret ehli anlara cân-ı tenden

99