Page 100 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Meseldür âlemin zâtına zâtun
İrersin kadre okursan zerratun

Ne kim âlemde vardur sende vardur
Velîkin sana benzer kande vardur

İki âlem yüzinün hâli sensin
Kamışda kand ü mü’mün balı sensin

Kişi kendü ilmi vâcib oldı
Sa’adet anlarun kim tâlib oldı

Kişi kim kendû ilminden haberdâr
Değildür sanman anda ehliyet var

İşit bu sözü açub can kulağın
Sözün nâyine ur gönül turağın

Ki ma’ni şekerinden alasın dâd
Müyesser ola sana dâd-ı üstâd

Meğer bir derdümend ü dil şikeste
Cihân mihnetlerinden gönül hasta

[30a] Elin çekmişdi küllî sebebden
Ferâgat bulmuş idi her talebden

Ki hiç öğrenmemişdi iş sa’nat
Dûni gün ihtiyar itmişdi halvet

Cihandan yeğidi uzlet makâmı
Ne hassı anlar idi vü ne âmı

Kılurdı gice gündüz namâzı
Gönülden herdem eylerdi niyâzı

Münâcat eyler idi her sehargah
Kılurdı derdine çok nâle vû ah

100