Page 101 - ibrahim_tennuri_gulseni_niyaz

İkinci Bölüm | Metinler

Münacâtında eydürir İlâhi
Kamunun Halıkı ve Padişâhı

Çû halkı sen yaraddun rızkı senden
Ki rızkı ön yaraddun can tenden

İşinde illet hem âletün çok
Her işde hikmet ü kudretlerün çok

Sebebsüz dilerem rızkum viresin
Cirâhat-ı ciğere merhem urasın

Sebebsüz çün ademden var kıldun
Bana bu akl ü cânı yâr kıldın

Senün fazlunladur kim bir avuç hâk
Îrişdi câna buldı akl ü idrâk

[30b] Tenüm on hiss ile kıldun müzeyyen
Netekim gülleriyle güldi gülşen

Onı on dürlü işe âlet oldı
Bu cisme her birisi hâcet oldı

Müzeyyen gökleri yıldızlar itdi
Bu ten yirini rûşen kemerler itdi

Kamûdan yig dürür bu fazlı ihsân
Ki gönlümüze kodun imân ü irfân

Bu çok nimetlerün yokdur şümârı
Dahi deryanın bulunmaz kenârı

Başımdan ayağa kördil olaydum
Senün şükründe key acizkalaydum

Bu bir dil şükrinü kaçan kılıser
Bu ni’met şükri kadrin kim biliser

101