Page 103 - ibrahim_tennuri_gulseni_niyaz

İkinci Bölüm | Metinler

Düşinde gaybdan avaz irdi
O ne kim istedüğün Tengri virdi

Ne hacet kim dilerdün oldı makbul
İrişdi ni’met ol şükrine meşğul

[31b] İrer matlûba bir gün isteyenler
Bulur maksûdı her dem söyleyenler

Dahi bir kapuyı kim kaka dâim
Mağbûn olmasa ol işinde kâim

Açılup son ucı irer ümîde
Her işde sabr iden olur güzîde

Mücellidi ko köşkün dükkânına var
Bucakda dökilü birkaç varak var

Nişanı kağıdun bu kendü böyle
Hakikat vaz’ı olur hattı şöyle

Değül ol kağıd illâ genc-nâme
Okıyub sırrıle gösterme âmme

Ne ki kılmak gerekse ol sanadır
Ne tedbir idersen ola takdir

Becid tutğil bu işde olma gâfil
Ki müşkil işler olur cehdile hâsıl

Uyandı uykusından şâd oldı
Varub ol kâğıdı dükkânda buldı

Alub ol ruk’ayı koynına koydı
Nişanından görüb bildi duydı

Varub bir halvete okudı anı
Sevindi ol sebepten gönül canı

103