Page 108 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Adem milkine kıldı gönli pervaz
Yine hatifden irdi ana avaz

Ki iy gönlü harâb bağrı başlu
Ciğer kanından iki gözi yaşlu

Çü hakdan yana oldı şimdi yönün
Sa’âdet matla’ından doğdı günün

[34b] Sözi anlamadan işlersin işi
Sözi anlayup işler uslu kişi

Sana didim ki yayından okı bırak
Dimadüm at okı pertavi ırak

Önünde genc sen yazıya gitdin
Anladın benler zayi’ itdin

Önünde çeşme sen düşdün serâba
Niçün ma’muru değişirdün harâba

Bu derdin yine sendedir devâsı
Her işin ibtida vü intihâsı

Çü bu sözleri hatifden işitdi
Heman işitdiği gibi iş itdi

Okı yayından arkacak bırakdı
Öninde gömüliymiş genc bakdı

Meselde çünki közlü oldı her söz
Niçe bakarsın öyle gösterir yüz

Sözün hod yüz yüzbinden çok oldı
Veli binlerde akıl biri buldı

Irak düşdi bu çoklukda kalanlar
Yakinden buldı ol birligi bulanlar

108