Page 104 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

[32a] Dimiş ol ruk’ada iy tâlib-i genc
Ki sana hâsıl oldı genc bî-renc

Azacuk zahmetün vardur üşenme
Bunı tahkik bil tezvir sanma

Son ucı rahat olur cümle zahmet
Öni açlıklara oldı sonı ni’met

Bu ni’met senüniçün nakle geldi
Bu mâ’ni senden ötürü akla geldi

İnâyetdür sana Hak’dan atâdur
Veli mağrur olma ibtilâdur

Eğer assı irişür ger ziyanidür
Hakikat ikisin dahi imtihandür

Şehir ucında yüce kubbe vardur
Be-gâyet âlî vü key muteberdur

Kapusı yazıya vü ardı şehre
Sana ol kubbeden sunıldı behre

Ur arkan şehre ve yüz kıblaya dön
Di “bismi’llâh” elün ok yaya sun

Okı sen bırakasın yaydan çün
Kaz ol yiri ki vardur genc-medfun

Nasibindür senün ol genc ezelden
Nasibi her kişinin çıkmaz elden

[32b] Varub ol dahi bir yana buldı
Sevindi selisun çün bay oldı

Okı atdı ve yeruni kazdı derhal
Ne habbe buldı ol yerde ne miskal

104