Page 97 - ibrahim_tennuri_gulseni_niyaz

İkinci Bölüm | Metinler

Bunda gören göriser ol Hakkî
Görmeyen bunda vü anda key şâki

Göz ana dirler ki hazin ola
Manzarı dünyi değüldür din ola

Kimde kim işbu nazar var şaşmadı
Bu fena rengine ol bulaşmadı

Ârif oldur âşık oldur âlim ol
Kâmil oldur vâkıf oldur sâdık ol

İgen (inen) uzatmagıl İbrâhim sözi
Dile Hak’tan açıla gönlün gözi

[28a] Tutiya ire meğer kim cevheri
Gözleruna görine ma’ni eri

Ki tabib oldur gönüller rencine
Ana iren erdi ma’ni gencine

Kimyadan bakırun altun ola
Söylerisen sözlerün mevzun ola

Sözi görüb söylemeklik hoş olur
Ok’a benzer kim nişan tuş olur

Söze mağrur olmagıl bülbül gibi
Tâ ki sır açıla senden gül gibi

Söyleyesin hâl ile hâl ıssıne
Zevk irişmez sûret ü kâl ıssıne

Kâl ağaçdur anın yimiş hâl
Muma benzer birisi ol biri bâl

Dil ile şeker dimeklik sehl olur
Şekeri yiyen bilür kim ehil olur

97