Page 92 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Ellerini bağlayuben keşkeşân
Katuma irişdürün virmen emân

Hışmını bunlar şehun çün bildiler
Hazretine cümle hazır kıldılar

[25a] Taht önünde otururlar şermesar
Sırrıle anlara bakar şehriyar

Gice gördüğün bilen bildi şehî
Oldı bu san’atdan anun agehi

Didi yaranlar bugün siz gam yimen
Korku vardır bize bu işden dimen

Şah imiş ol giceki yoldaşımuz
Şad olun kurtulur bu gün başımuz

Söyledi sultana ol sahib-i nazar
Kim nazardan hâsıl oldı her haber

Şah kim pîrün gönüller tahtıdur
Depredürsün şol sakalun vaktidür

Çün kerim olan kılur ahde vefâ
Sen vefâ kıl ahde gör kılduk ve cefâ

Sehvü gaflet bizden senden kerem
Şermesâr kati fazlun umaram

Rahmetün çün sebkat itdi bize
Urasın hâşâ bu dem aybı yüze

Afv kıldı şâh ôlarun suçların
Çün hâlimidi getürdi keçülerin

Ol nazar ehline hürmet kıldı şâh
Gözen artuğı hüner oldı günâh

92