Page 91 - ibrahim_tennuri_gulseni_niyaz

İkinci Bölüm | Metinler

Didiler eksüğümüzsin yâr sen
Key gereklüsin bize zinhâr sen

Zahmumuzun sensin ancak merhemi
Derdümüzün senden irişür demi

Kutbumuzsın sen bizim anca pakdin
Hem işin dahi kamû işlerin güzin

Ve ittifakla azimet kıldılar
Genc açmaklığa niyyet kıldılar

[24b] Tâki an urdı bir leb-i âvaz ile
Söyledi yoldaşlarına râz ile

İnanın bilün didi hey işidün
Şâh bizimde bayimiş havf idün

Kohulayın didi genç ûş
Pes kemendin atdı burca bir hoş

Nakabdan fi’l-hâl nakab ura ana
Şah görüb bu işi kaldı tana

Çok zer ü la’l cevâhir aldılar
Her biri lüvirişe geldiler

Şah bûlarun meskenini key anladı
Geçdi ol gice müezzin banladı

Süada’un kim reşk iderdi bahtına
Subhdem gün gibi ağdı tahtına

Geldiler erkân-ı devlet Hazret’e
Dükeli meşğul oldı hizmete

Şah birkaç ejdahalar viribdi
Anların oldukları yeri didi

91