Page 87 - ibrahim_tennuri_gulseni_niyaz

İkinci Bölüm | Metinler

Mesnevi’de bir hikâyet söylemiş
Ma’rifet hânında canlar toylamış

[22a] Mesnevîde kim vahdete âyinedür
Ana genc kim bilsin âyinedür

Ay aksinden güneş ma’lum ola
Ol deme polad irerse mum ola

Çaşniden bilesin anbârı sen
Kohusundan bulasın gülzârı sen

Anı bilen bildi Mevlâna’yı hem
Dür gören fehm eyledi deryâyı hem

İlm-i zâhir ilm-i bâtın anda var
Cümlesin dilersen anda var

Akl-ı cüz-î ol denizde gark olur
Kâl ü hâlun vasfı anda fark olur

Dinle imdi ol hikâyet nitedür
İşbu sözlerden işâret nicedür

Hoş meseldür dinlersen can ile
Âşinâ eyler seni cânân ile

Bu mesel gözgü gibi yüz gösterir
Birdür ile mâ’nâ yüz gösterir

Yüzü bir yüz bil ve anla bir yüz
Tâ ola mâ’ni ile cânın yüze yüz

Aklı ko ışkıle dinle bu sözi
Ki mahabbet dürrine canın tozı

[22b] Bir gece Sultan Mahmûd-ı Eyyas
Ki mübârek hatırı tanımazdı yas

87