Page 83 - ibrahim_tennuri_gulseni_niyaz

İkinci Bölüm | Metinler

Hezârân Hızır teşne müntazırdur
Ki vire âb-ı hayevânı Muhammed

Ne kim evvelde buldı her peyember
Görüp geçmiş idi ânı Muhammed

Bu varlık yimişinün yirde gökde
Ekipdür bağı bostânı Muhammed

Kamû eşkinun andan ibtidası
Hakikat yine payânı Muhammed

Makâmı Arş’ın tâcı oldı
Beğenmez tâcı eyvânı Muhammed

Ayağı toprağından zerre kim dürr
Nider bes burc-ı mîrânı Muhammed

Anunçün hayr halk oldı özine
Ki hulk idindi Kur’ân’ı Muhammed

Nedür dünyâ ki kodı ümmetiçün
Behişt ü hûr u gılmânı Muhammed

[20a] Didi fakr el-fakri fahri cismi canı
Koyup sabr itdi cânânı Muhammed

Ebû Bekr’ün safa vü sıdkı senden
Ali’nün ilmi irfânı Muhammed

Ömer adli’nde buldı izz ü kudret
Münevver kıldı Osmân’ı Muhammed

Beşâret anınile buldı on-yâr
Özinden kıldı seyrânı Muhammed

Me’âni bezmi içire bir kadehden
Duyurdu cümle sübhânı Muhammed

83