Page 84 - ibrahim_tennuri_gulseni_niyaz

Prof. Dr. Muhittin Bağçeci | Dr. Rasim Deniz | Şeyh İbrahim Tennûrî ve Gülşen-i Niyâz

Cüneyd’e cübbe remzin Bâyezid’e
Tuveren lâf-ı sübhânı Muhammed

Hakikat gülşeni bülbüllerinün
Dilinde zikr ü destânı Muhammed

Ümid ol kim bu İbrahim’e yârın
Şefa’ât kıla erzânı Muhammed

Şefi’ oldur yazuk bahri içinde
Çıkarur garka olânı Muhammed

İlâhî tevbe vü tevfiki virgil
Kabul itsün bu nâdânı Muhammed

Vezin: Mefâîlün/Mefâîlün/Feûlün
(1) Sûre-i Necm âyet/ 9

4. na’at-ı şerif ıı.
[20b] Hayli Muhammed’i feleğe dikmedin alem
Tasviri nakşı Âdem’e urulmadan rakam

Bir harf yazmadın dahi levh üstüne henüz
Ol mübârek adını yazdı anun kalem

Fevkında arşun olmağa na’leyni nûr-ı taç
Mi’raca davet eyledi ol Halık-ı ni’am

Çün ağdı rif’at evcine fark-ı lâ-mekân
Oldı meleklerün varı ana haşem ü hadem

Yüz sürmişdi ism-i semedine mihr ü mâh
Kaçan ki oldu encüm arasında muhterem

Ol şâhı şark ü garb dahi Âdem türâbiken
Olmuşidi Nebi bu cihân idi çün adem

84